ეკონომიკური პროექტები პოლიტიკურ დარეგულირებას დაეხმარება მხოლოდ იმ შემთხვევაში, თუ აფხაზეთი მათში ჩართული იქნება არა მხოლოდ ტერიტორიულად, არამედ როგორც თანასწორი პოლიტიკური და ეკონომიკური სუბიექტი
გალის რაიონში ახალი საავტომობილო ტერმინალის მშენებლობა თითქმის დასრულებულია. ის, სავარაუდოდ, საქართველოდან რუსეთში, აფხაზეთის გავლით, ტრანზიტული ტვირთების გადაზიდვას უზრუნველყოფს. გაურკვეველია, თუ როგორ მოხდბეა ამ ტვირთის გადატანა ქართულ-აფხაზური კონფლიქტის ფონზე, ან მიღწეულია თუ არა რაიმე შეთანხმება სოხუმსა და თბილისს შორის.
ტრანსპორტის გეოგრაფიას კონფლიქტებში განსაკუთრებული როლი უჭირავს, თუმცა პოსტ-საბჭოთა სივრცეში ეს თემა ნაკლებად არის შესწავლილი. ჩვენ ინტერვიუ გამოვართვით ტრანსპორტის გეოგრაფიისა და კონფლიქტების მკვლევარს ელეონორა ჭანიას, რომელიც გვიყვება გეოგრაფიის როლზე მშვიდობის შენებაში.
დეკემბრის პირველ ნახევარში ცნობილი გახდა, რომ გალში, ენგურის ხიდთან სავაჭრო ტერმინალის მშენებლობა დასასრულს უახლოვდება და ის ფუნქციონირებისთვის პრაქტიკულად მზად არის.
